අසූ හතේ සුදු රථ තිබුනානම්
රටේ තවම ඇයි රතු කොටි සමයං
අසූ නවයෙ සුදු කොඩි වැනුවානම්
ළයේ උගේ ඇයි නොවුනේ පතුරං
විදු නැණ දිරියෙන් කළමුත් අවසන්
ජයගත් කඩඉම් පසුකර ඉහලින්
වරනට විය තුන් වසරක් විකලින්
හද කළ අන්තරෙ මකබෑ පලයං
තෙවසර මා හට නැති වී අවසන්
පසුකර මා අද කම්මැළි සලෙළුන්
මතු පරපුර ගලවනු මේ උගුලෙන්
අදිනු නොහැක කාලය ලා තුරඟුන්
දෙවුරු, දෙ අත් වෙහෙසා ගත සොයනා
දනෝ රැගත් ආවුද ගෙන සොරෙනා
පවුරු තනා සරසවි මං වසනා
අවැසි කාට පිලිලුන් වින කරනා?
හැකිනම් පවසනු තෙපි කළ සේවය
සසඳා අඩ සිව් වස් පෙර කාලය?
කරනු, මරනු මදිවිට මැර සාපය
සරණ නොවිද සැමදා තොපෙ ලෝකය?
